"Disco Volante”-nin Cenevrə avtosalonunda keçən ilkin müvəffəqiyyəti "Carrozeria Touring Superleggera” atelyesini bu kupenin seriya istehsalı haqqında düşünməyə vadar etdi. Italyanlar Cenevrəyə "UNO”-nun seriya variantı ilə gəldilər. Lakin nə qiymətini, nə də tirajını bildirmədilər.
"Superleggera”-da bildirdilər ki, əlbəttə, "Disco Volante”-ni təsadüfi adama satmazlar: layihə kolleksiyaçılar və italiya dizaynının pərəstişkarları üçün nəzərdə tutulub.
Lakin tiraj da böyük olmayacaq: hər nüsxənin buraxılmasına 4 000-ə qədər insan-saat sərf olunur. İtalyanlar hər sportkarı konkret sifarişçi üçün yığmağa hazırlaşırlar. Bu da onlara interyerin qurulmasında bütün tələbləri nəzərə almağa imkan verəcək. Əlbəttə ki, bu qiymətdə öz sözünü deyəcək.
Kupe üçün platforma donoru qismində özü-özlüyündə elə də ucuz olmayan "Alfa Romeo 8C Competizione”-dən istifadə olunur. Banın strukturu praktik olaraq dəyişməyib, yalnız qapı yerləri və arxa dirəklər yeni dizayna uyğun olaraq modernləşdilər.
Sportkarın ban panelləri alüminiumdan və kömür plastikdən hazırlanıb. "Disco Volante” 4,7-litrlik, 450-güclü V8 mühərriki alıb və 6-pilləli sekvental sürət qutusu ilə birgə çalışaraq 100 km/saata 4,2 saniyəyə sürətlənir.
Kupenin maksimal sürəti isə 290 km/saatdır. Mühərrik qabaqda, amma təkər bazası dairəsində yerləşir. Belə ki, italyan yeniliyinin oxlar üzrə çəki bölgüsü arxa oxun xeyrinə 49:51 təşkil edir.
Qeyd etmək lazımdır ki, hazırki avtosalonun bir çox superkarları kimi "Disco Volante” də öz mövcudluğu ilə keçmişi xatırladır. Kupe, eksteryerinin dizaynı ilə müəyyən dərəcədə oxşadığı 1952-ci il "Alfa Romeo C52 Disco Volante”-nin xatirəsinə həsr olunub.