Nielsen şirkəti müxtəlif ölkələrin vətəndaşlarının mobil qurğulardan istifadəsinə dair fərqli yanaşmasını əks etdirən məlumat dərc edib.
Belə ki, Avstraliya, Braziliya, Çin, Hindistan, İtaliya, Rusiya, Cənubi Koreya, Türkiyə, Böyük Britaniya və ABŞ-da mobil qurğulardan istifadə xüsusiyyətləri təhlil edilib.
Ağıllı telefon və funksional mobil telefonlar daha populyardır.
Lakin müxtəlif ölkələrdə onlardan istifadə dərəcəsi fərqlidir. Məsələn, Cənubi Koreyada mobil qurğuların 67%-ni ağıllı telefonlar təşkil edir. Bu göstərici üzrə Çin (66%) və Avstraliya (65%) vətəndaşları müvafiq olaraq ikinci və üçüncü yerdə qərarlaşıb. Lakin Hindistanda mobil qurğuların yalnız 10%-ni ağıllı telefonlar təşkil edir. Türkiyədə bu göstərici 19%-ə bərabərdir. Braziliyada multimedia imkanlarına malik telefonlar populyardır.
Müxtəlif ölkələrdə mobil tətbiqlərdən istifadə üsulları da fərqlidir. Məsələn, ABŞ-da naviqasiya, sosial şəbəkələrdə əlaqə qurmaq, videoya baxmaq üçün tətbiqlər, Çində isə oyun, hava proqnozu, sosial şəbəkələr, naviqasiya və xəbərlər üçün tətbiqlər populyardır.