100 min ildə bir dəfə: Parlaq komet Yerə yaxınlaşacaq
12.03.2013, 15:53
NASA rəsmisi Reyçel Stivenson «kosmik şou»nu izləmək üçün ən yaxşı vaxtın gün batandan 40 dəqiqə sonra olduğunu deyib.
Astronomiya sevənlər yaxın günlərdə Yerə yaxınlaşacaq C/2011 L4 Pan-Starrs kometini görmə şansını əldə edəcəklər. Qeyd edək ki, səma cismi bir də 100 ildən sonra qayıdacaq. Kometin parlaqlığı BöyükAyı burcunun ulduzları ilə müqayisə oluna bilər.
2011-ci ildə aşkar olunan komet martın 8-dən bəri bizim planetin Şimal yarımkürəsində «turnedədir». İlk günlər səma cismini ancaq binokl, yaxud da teleskopla görmək mümkün olardı. Lakin martın 12 və 13-dən etibarən C/2011 L4 Pan-Starrs adi gözlə görülə bilənəcək. Astronomlar bu tarixləri «kosmik şou»nu seyr eləmək üçün ən yaxşı günlər olduğunu bildirirlər.
NASA rəsmisi Reyçel Stivenson kometi izləmək üçün ən yaxşı vaxtın gün batandan 40 dəqiqə sonra olduğunu deyib.