Azərbaycanda nadir təbiət hadisəsi: Camış ağ balaladı (Video)
17.03.2013, 15:41
Belə hal artıq bir neçə dəfədir bu rayonda təkrar olunur
Balakaən rayonunda camış ağ rəngdə bala doğub. Kanal "S”in məlumatına görə, hadisə rayonun Qazma kəndində Nərgiz Sarıyevanın şəxsi təsərrüfatında qeydə alınıb. Camışın ağ olması hamını təəccübləndirib. Bala camışın sağlam olduğu , digər camışlar kimi normal qidalandığı bildirilir. Balakən rayon baytarlıq idarəsinin rəisi Mahir Abdullayevin verdiyi məlumata görə, camışların ağ rəndə balalaması nadis hadisədir. O, albinos heyvanların günəş şüalarına qarşı həssas olduğunu bildirib.
Qeyd edək ki, belə hal artıq bir neçə dəfədir bu rayonda təkrar olunur. 2009-cu ilin avqust ayında rayonun Gülzənbinə kənd sakini Ələsgər Tanrıverdiyevin şəxsi təsərrüfatında belə bir hal qeydə alınmışdı. Bundan başqa rayonun Qabaqgün qəsəbəsində də albinos camış doğulub və bu camış da bala vermək qabiliyyətinə malik olub.