Bu ilin mayında satışa Measy U4B mikrokompüteri çıxarılacaq.Yığcam qurğu dörd hesablama nüvəsinə malik 1.8 QHs takt tezlikli Rockchip RK3188 prosessoru və 1 QB əməli yaddaşla təchiz edilib. Daxili fləş-modulun tutumu 8 QB-dır, MicroSD kartı üçün slot da var.
Wi-Fi 802.11b/g/n və Bluetooth 4.0 simsiz rabitə adapterləri, MicroUSB və USB portları mövcuddur. Qurğunu televizora qoşmaq üçün HDMI portundan istifadə edilir.
Mikrokompüter Android 4.2 Jelly Bean əməliyyat sistemi ilə işləyir. Onun ölçüsü 98,3×38,5×11 millimetr, çəkisi 27 qramdır.
Mikrokompüter ağ və qara rənglərdə əlçatan olacaq. Qiyməti 100 dollardan aşağı olacaq.