"Mozilla” "Firefox” ilə birlikdə öz mobil telefonlarını buraxmağa hazırlaşır.
"Firefox OS” əməliyyat sistemi ilə işləyən telefonlar bu yay Braziliya, Kolumbiya, Macarıstan, Meksika, Monteneqro, Polşa, Serbiya, İspaniya və Venesuelada satışa çıxarılacaq.
"Mozilla”-nın nümayəndəsinin bildirdiyinə görə, dünyanın 13 müxtəlif mobil şirkəti "Firefox” telefonlarına dəstək verməyə razılıq verib. Mobil şirkətləri "Apple”-ın "iOS” və "Google”-un "Android” əməliyyat sisteminə alternativ smartfonların istehsal edilməsində maraqlıdır.
İlk "Mozilla” smartfonlarının sensor ekranlı və qiymətinin ucuz olacağı bildirilib.