Almaniyada Avropanın ən güclü superkompüteri işə salınıb, onun məhsuldarlığı 5,9 petaflops və ya saniyədə 5,9 min trilyon əməliyyata bərabərdir.ICTnews-ın verdiyi məlumata görə, "JuQueen” adlandırılmış superkompüterin prosessorları ümumilikdə təxminən 459 min nüvəyə malikdir. Prosessorların hazırlanmasında enerjiyə qənaət edən texnologiyalar tətbiq edilib. Mütəxəssislər bildirir ki, bu superkompüter müasir fərdi kompüterdən 100 min dəfə daha güclüdür.EHM-i Amerikanın "IBM” korporasiyası hazırlayıb. Məlumat üçün bildirək ki, dünyanın iki ən güclü kompüteri ("Titan Cray XK47” və "Sequoia BlueGene”) ABŞ-da yerləşir. Üçüncü yerdə Yaponiyanın "K computer” (10.51 petaflops) superkompüteri qərarlaşıb. İşə salınmış "JuQueen” superkompüteri reytinqdə beşincidir.
Главная | Регистрация | Вход
