2014-cü il aprelin 8-də "Microsoft" korporasiyası "Windows XP SP3" və "Windows XP x64 Edition SP2" əməliyyat sistemlərinin (ƏS) dəstəklənməsini dayandıracaq.
Windows XP" platforması 2001-ci ildə işıq üzü görüb və "Microsoft"un ən uğurlu məhsullarından biri olub. "Net Applications" tədqiqat şirkətinin məlumatına görə, sözügedən ƏS-i 2008-ci ildə fərdi kompüterlərin (FK) 80%-nə quraşdırılıb.
Lakin son illərdə "Windows XP" tədricən mövqeyini uduzur: ötən ay FK istifadəçilərinin 38,73%-i ona üstünlük veriblər.
Xatırladaq ki, "Windows XP" ƏS-nin dəstəklənməsi başa çatdıqda (2014-cü il aprelin 8-i) onun on iki yaşı olacaq. Nəticədə ən uzunömürlü ƏS-i adına layiq görüləcək.