Google şirkəti Android mobil əməliyyat sistemi üçün Chrome brauzerinə verilənlərin sıxılması funksiyasını birləşdirəcək.Bu barədə Google sosial şəbəkəsində tərtibatçı Fransua Bofor deyib.
Bofor Chromium brauzerinin kodunu araşdırdıqdan sonra bu funksiyanın mövcudluğundan xəbər tutub. Belə ki, martın 1-də çıxarılmış Chromium quraşdırılmasında verilənlərin sıxılması funksiyası peyda olub.
Funksiyanı işə salmaq üçün kompüterə SDK Android quraşdırmaq və qurğuda USB sazlama rejimini işə salmaq lazımdır. Verilənlərin sıxılması Google-un proksi serverlərində həyata keçirilir.
Bofor qeyd edib ki, cari funksiya eksperimental rejimdə işləyir. Onun Chrome brauzerinin işlək versiyasının tərkibinə daxil ediləcəyi tarix hələ ki məlum deyil.
Главная | Регистрация | Вход
