Dünyanın ən populyar kartoqrafik servisi olan Google Earth və Google Map xaraba qalan, dağıdılan kəndin viranələri arasında çoxdan ölmüş insanın fotosunu çəkib.
Daha doğrusu, bu fotonu istifadəçilərdən biri görüb.
İngiltərənin Bristol şəhərində yaşayan iki uşaq anası, 38 yaşlı Fiona Pauell Google Earth-də bu ruhun fotosunu görüb.
O, aerodrom tikintisi üçün dağıdılan kəndin xarabaları arasında kölgəyə bənzəyən naməlum adamın dolaşdığı mənzərəni görəndə şoka düşüb.
Cənubi Qlosterşir qraflığındakı Çarlton kəndi 1946-cı ildə dağıdılmışdı. Bristol Aeroplan Company şirkəti burada hava limanı, daha doğrusu, aerodrom tikmək istəyirdi.
"Bu kənd barədə oxumuşdum. Çarltonun tarixi barədə məlumatları oxuyandan sonra Filton aerdromunun bu kəndin yerində tikildiyini öyrəndim. Aerodroma Google Earth-də baxanda isə kəndin viran qalmış xarabalıqları arasında ruha bənzəyən kölgənin dolaşdığını gördüm”, – Pauell deyib.
Köhnə Farlton Farm kəndi viran ediləndən sonra onun yanında Çarlton Hay adlı yeni kənd salınmışdı.