Təhlükə sovuşdu! 2012 DA14 asteroidi Yerin 27.7 min kilometrliyindən keçdi. Kosmik cisim planetimizə rekord məsafədə yaxınlaşıb. 2012 DA14 asteroidi bu axşam Yerin rekord məsafədə yaxınlığından - 27,7 min kilometrliyindən keçib. 45 metr diametrində kosmik cismin maksimal yaxınlaşması Bakı vaxtı ilə ötən gün saat 23.35-də qeydə alınıb. Bundan sonra asteroid planetimizdən uzaqlaşmağa başlayıb. Asteroidin uçuş trayektoriyası canlı olaraq NASA tərəfindən təşkil olunmuşdur. Həmçinin, Kley Mərkəzinin rəsədxanasında asteroidin uçuşu onlayn rejimində izlənilib. Ehtimal olunduğu kimi, asteroidin Yerə yaxın, geostasionar peyklərin orbitindən keçməsi onların işinə heç bir təsir göstərməyib. «Bu, Yerə ən yaxın məsafədən keçən və əvvəlcədən aşkar olunan obyekt olub, bununla da Yerətrafı məkandan olan kosmik obyektin öyrənilməsi üçün unikal fürsət yaranıb», - deyə NASA-nın bəyanatında bildirilir. Asteroid Hind okeanının şərq hissəsinin üzərindən keçib. Ekspertlərin fikrincə, əgər planetimiz bu təhlükəli asteroid ilə toqquşsaydı, bu dırnaqarası "görüş"ün effekti 1945-ci ildə Xirosimoya atılan bombadan 1000 dəfə güclü ola bilərdi. 2012 DA14 asteroidi ilk dəfə Malyorkada , yəni İspaniyada yerləşən rəsədxana tərəfindən ötən ilin fevralın 23-də aşkarlanıb və L spektral sinfinə aiddir. Asteroidin diametri 45 metr, çəkisi isə 130-180 kiloton təşkil edir.
Главная | Регистрация | Вход
