Rusiyada azərbaycanlı şagird həmyerlisini güllələdi
18.02.2013, 17:45
Rusiyanın Krasnoyarsk şəhərinin orta məktəblərinin birində iki azərbaycanlı şagirdin davası güllələnmə ilə nəticələnib. ANS PRESS-in Rusiya mətbuatına istinadən verdiyi məlumata görə, hadisə Voronova küçəsindəki məktəblərin birində baş verib. Belə ki, məktəbin 10 və 11-ci sinif şagirdləri mübahisə edib. Daha sonra onların arasındakı mübahisə davaya çevrilib. İlkin araşdırmalar zamanı mübahisənin qız üstündə yarandığı məlum olub. Belə ki, 11-ci sinif şagirdi həmyerlisinin bacısına söz atıb. Dava nəticəsində yeniyetmələrdən biri bacısını narahat edən oğlana tapanca ilə atəş açıb. Yeniyetmə aldığı güllədən ağır yaralansa da, həyatı üçün ciddi təhlükə yoxdur.
Hadisə yerinə əməliyyat-istintaq qrupu göndərilib, faktın detalları araşdırılır.
Главная | Регистрация | Вход
